Bushar bilan "ujin" 85 ming dollarga sotildi

Unda Bushar xonim ishtirokidagi o'yinni VIP-lojadan tomosha qilish hamda kechki taomni birgalikda o'tkazish aukcionga qo'yilgandi. Ushbu imkoniyatni nom oshkor qilinmayotgan kishi 85 ming dollar sarflab qo'lga kiritgan. 

Lotning boshlang'ich narxi 2,5 ming dollar edi. All in challenge aukcioni g'olibi Busharning mavsumdagi qaysi o'yiniga borishni o'zi tanlaydi. U o'zi bilan yana bir kishini olish imkoniyatiga ega. Aukciondan tushgan barcha pullar AQSHda koronavirus pandemiyasiga qarshi kurash uchun sarflanadi.

"YIGITLAR!!! 85000! Sizlarga gap yo'q! Bu muhtoj insonlar uchun as qotadi. Men sizlar bilan faxrlanaman. Aukcionda ishtirok etgan barchaga rahmat. Siz eng yaxshi muxlislarimsizlar", - deya Twitter sahifasida xabar qoldirgan Bushar.