Buxoroda voleybol bo'yicha “Barkamol avlod sport jamoalari” musobaqasi yakunlandi

Musobaqada Qoraqalpog'iston Respublikasi, Toshkent shahri va viloyatlardan 14 ta jamoa g'oliblik uchun kurash olib bordi.

Mazkur sport musobaqalari O'zbekiston Milliy Olimpiya qo'mitasining tashabbusi bilan O'zbekiston Respublikasi Jismoniy tarbiya va sport vazirligi, O'zbekiston Respublikasi oliy va o'rta maxsus talim vazirligi, O'rta maxsus, kasb-hunar talim markazi, O'zbekiston “Barkamol avlod” jismoniy tarbiya va sport jamiyati Markaziy kengashi bilan hamkorlikda tashkil etildi.

Kasb-hunar talim muassasalarida tahsil olayotgan o'quvchilar o'rtasidagi ushbu musobaqalarining final bellashuvlari chin manoda sport bayramiga aylandi. Jamoalarning g'alabaga bo'lgan ishtiyoqi kuchliligi bois, har bir o'yinlar murosasiz va shiddatli kechganini qayd etib o'tishimiz lozim.

Musobaqa yakuniga ko'ra Andijon jamoasi birinchi o'rinni qo'lga kiritdi. Xorazm va Namangan viloyati jamoasi qizlari mos ravishda ikkinchi va uchinchi o'rinni band etdilar.