CHirchiq shahar hokimi “Jismoniy tarbiya va sport alochisi” ko'krak nishoni bilan taqdirlandi

Mamlakatimizda sog'lom turmush tarzini shakllantirish, aholi, ayniqsa yosh avlodning jismoniy tarbiya va ommaviy sport bilan muntazam shug'ullanishi, hududda jismoniy tarbiya va sportni yanada rivojlantirishga qo'shgan munosib hissasi uchun hamda CHirchiq shahrida ommaviy sport targ'iboti, uning jismoniy va manaviy barkamollikning asosi ekanini targ'ib qilish, iqtidorli sportchilarni saralab olish borasidagi mehnati, malakali kadrlarni tayyorlashdagi jonbozligi uchun CHirchiq shahar hokimi Sanjar Yusupov “Jismoniy tarbiya va sport alochisi“ ko'krak nishoni bilan taqdirlandi.

Mukofotni O'zbekiston davlat jismoniy tarbiya va sport universiteti rektori, iqtisod fanlari doktori, professor Mahmudjon Boltaboev topshirdi.  

Takidlash joiz, O'zbekiston Respublikasi Vazirlar Mahkamasining 2018 yil 3 maydagi 332-sonli qaroriga muvofiq “Jismoniy tarbiya va sport alochisi” ko'krak nishoni tasis etilgan bo'lib, ko'krak nishoni bilan Olimpiya, Paralimpiya va Osiyo o'yinlari hamda jahon, Osiyo chempionatlarida va boshqa nufuzli xalqaro sport musobaqalarida yuksak natijalarga erishgan, Vatanimiz bayrog'ini baland ko'tarib kelayotgan sportchilarning trenerlari, jamiyatimizda sog'lom turmush tarzini shakllantirish, aholi, ayniqsa yosh avlodning jismoniy tarbiya va ommaviy sport bilan muntazam shug'ullanishi uchun zamon talablariga mos shart-sharoitlar yaratish, jismoniy tarbiya va sportni yanada rivojlantirishga yo'naltirilgan keng ko'lamli ishlar amalga oshirilishiga munosib hissa qo'shib kelayotgan soha vakillari taqdirlanishadi.

SHuningdek, O'zbekiston qilichbozlik federaciyasi Toshkent viloyati bo'limi (raisi J. Sadullaev) tomonidan ham Toshkent viloyatida, xususan, CHirchiq shahrida qilichbozlik sport turini rivojlantirishga qo'shgan hissalari uchun CHirchiq shahar hokimligi alohida tashakkurnoma bilan taqdirlandi. Ushbu tashakkurnomani CHirchiq shahar hokimi S. Yusupovga xalqaro toifadagi (United Word Wrestling) hakam Ravshan Dastirov topshirdi.

Ilhom RAHMONOV tayyorladi