Cicipas Monte-Karlo "Masters"i yarim finaliga chiqdi

Sayyoramizning beshinchi raketkasi, greciyalik Stefanos Cicipas turnirning chorak finalida ATR reytingida 16-o'rinni egallab turgan argentinalik Diego SHvarcmanni  6/2, 6/7, 6/4 hisobida mag'lub etdi.   

Tennischilar kortda 2 soatu 45 daqiqa harakat qilishdi. Uchrashuv davomida 23 yoshli Cicipas 4 ta eys, 4 ta qo'sh xato va 7 ta breyk qayd etdi. 29 yoshli SHvarcman esa 2 ta qo'sh xatoga yo'l qo'yib, 4 ta breykdan unumli foydalandi. Sportchilarning o'zaro uchrashuvlarida hisob tenglashdi. 

Cicipas turnirning yarim finalida jahonning uchinchi raketkasi, germaniyalik Aleksandr Zverevga qarshi bahs olib boradi.