Daniil Medvedev "Rolan Garros"dagi yurishini boshladi

Rossiyalik tennischi ilk davrada ATP reytingida 65-pog'onada borayotgan germaniyalik  Dominik Kyopferni to'rt set natijasiga ko'ra taslim etdi - 6/3, 6/4, 5/7, 6/3. Tennischilarning o'zaro uchrashuvlaridagi mutlaq ustunlik Medvedev tomondan - 4:0. 

Uch soatu 10 daqiqa davom etgan bahsda Medvedev 1, Kyopfer 2 ta eys zarbani amalga oshirgan. Qo'shxatolar olmon tennischisida ko'proq bo'ldi - 5 ga 3. Daniil 7 ta, Kyopfer 4 ta breykka erishdi. Medvedevning ikkinchi davradagi raqibi Miomir Kechmanovich bo'ladi. Serb tennischisi o'z o'rnida braziliyalik Tyago Monteyroni engdi - 6/2, 6/1, 4/6, 7/5.