Daniil Medvedev US Open yakunida ATR reytingidagi etakchilikni boy beradi

U 16 hafta davomida ATR reytingini boshqarib turdi. Bu natija tennis tarixidagi 17-ko'rsatkichdir. Endilikda Rafael Nadal, Karlos Alkaraz va Kasper Ruud reytingda etakchilik qilishi mumkin.

"Bundan xafa bo'ldim. Albatta kiyinish xonasida yig'lamayman, lekin bu qayg'uli xabar.

Endi men reytingda qaysi o'rinda bo'lishimni ham bilmayman. Men uchinchi yoki to'rtinchi o'rinda bo'laman shekilli. Ehtimol, Alkaraz ham mendan o'tib ketar.

Bu meni oldinga undaydi. Joriy mavsumda «Katta Dubulg'a» turnirlarida etarlicha yuqori natija ko'rsata olmadim. Imkoniyatlar bo'lsada, Avstraliyada chempionlikni qo'lga kirita olmadim.  "Uimbldon"da o'ynamadim, Parijda ham to'rtinchi bosqichga qadar etib bordim. Agar birinchi bo'lishni istasam, yaxshiroq o'ynab, ko'proq ochko to'plashim kerak”, - deya Medvedevning so'zlarini keltirgan US Open matbuot xizmati.