25 jan 07:46
Yangiliklar

Tennis

Denis Istomin qaytmoqda?! O'zbekiston - Polsha o'yini uchun tarkiblar elon qilindi

2-3 fevral kuni tennis bo'yicha "Devis kubogi"ning I Jahon guruhi uchun pley-off bosqichi doirasida O'zbekiston - Polsha o'yini o'tkaziladi.

O'yinlar Toshkent shahridagi "Humo arena" majmuasida o'tkaziladi.

Bellashuv uchun har ikki terma jamoa o'z tarkibini elon qildi.

Ahamiyatlisi, O'zbekiston terma jamoasi tarkibida afsonaviy tennischimiz Denis Istominni ham ko'rish mumkin. Polsha termasi esa o'zining eng tajribali tennischisi, dunyo reytingida to'qqizinchi o'rindagi Xubert Xurkachni mazkur o'yin tarkibiga jalb qildi.

O'zbekiston: Denis Istomin, Humoyun Sultonov, Sergey Fomin, Maksim SHin, Amir Milushev.

Polsha: Xubert Xurkach, Maks Kasnikovski, Kamil Mayxshak, Karol Drzovski, Yan Zelinski.

O'zbekiston tennis federaciyasi matbuot xizmatining malum qilishicha, o'yinlarga kirish bepul bo'ladi.

Bahslarning boshlanish vaqti:

2 fevral - 14:00

3 fevral - 13:00.