30 iyu 18:20
Yangiliklar
Tennis
Diana SHnayder Bad-Xomburgni zabt etdi
Rossiyalik Diana SHnayder Germaniyaning Bad-Xomburg shahrida yakuniga etgan WTA 500 toifasiga kiruvchi turnir g'olibasiga aylandi.
Dunyoning 47-raketkasi bo'lib turgan Diana final bahsida reytingda o'zidan ikki pog'ona quyida borayotgan xorvatiyalik Donna Vekichni uch set natijasiga ko'ra mag'lubiyatga uchratdi - 6/3, 2/6, 6/3. Bu tennis malikalarining o'zaro o'tkazgan ilk uchrashuvi edi.
Ikki soatu 12 daqiqa davom etgan bahsda SHnayder 9, Vekich 7 ta eys zarbasini amalga oshirgan. Qo'shxatolar Donnada ko'p bo'ldi - 4 ga 1. Breyklar bo'yicha ustunlik Diana tomonda - 4 ga 3!
Bad Homburg Open turniridagi bir haftalik samarali mehnat SHnayderga 500 reyting ochkosi hamda 123,480 evro mukofot puli keltirdi. Rossiyalik iqtidor egasi faoliyatidagi ikkinchi WTA turniri titulini qo'lga kiritdi.
Havola :
Manba : gotennis
Fikrlar