Doha turniri bosh sovrini Gruziyaga ketadigan bo'ldi

Gruziyalik tennischi hal qiluvchi final uchrashuvida reytingning 13-pog'onasidan joy olib turgan ispaniyalik Roberto Bautista-Agutga qarshi kortga chiqdi. Bir daqiqasi kam bir yarim soat davom etgan bahsda Basilashvili 7/6(5), 6/2 hisoblarida zafar quchdi. 

Finalda 29 yoshli Basilashvili 4 ta, 32 yashar Bautista-Agut esa 2 ta eys zarbasini amalga oshirdi. Nikolaz o'zaro uchrashuvlarda ilk bor Agutdan ustun keldi - 3:1. Qatar ExxonMobil Open turniridagi muvaffaqiyatli ishtirok Basilashviliga 250 reyting ochkosi hamda 103,070 dollar mukofot pulini keltirdi.