Qozog'iston va tojikistonlik jangchilar oktagonga chiqqan UFC Fight Night 266 turnirining barcha natijalari bitta xabarda

Oqshomning asosiy jangida amerikalik Mario Bautista braziliyalik Vinisius Oliveyra ustidan muddatidan oldin g'alaba qozondi. U tashkilotning o'ta engil vazn divizionida to'qqizinchi o'rinni egallab turgan edi. Ikkinchi raund tugashiga 14 soniya qolganida, Bautista Oliveyrani avvaliga kimuraga, keyin esa ortdan bo'g'ishdan so'ng jangga nuqta qo'ydi.

Turnirning co-main event bahsida yaponiyalik Kiodji Xoriguchi iroqlik Amir Albazi ustidan hakamlarining yakdil qarori evaziga ishonchli g'alabaga erishdi. Endi u eng engil vazn toifasida amaldagi UFC chempioni Joshua Vanga qarshi jang qiladi.

Turnirning uchinchi muhim voqeasi og'ir vazn toifasida Jailton Almeyda va Rizvan Kuniev o'rtasidagi jang bo'lib, unda rossiyalik hakamlarning yakdil qarori bilan g'alaba qozondi. Bu bilan u divizionning kuchli o'ntaligidan o'ziga joy naqd qildi, braziliyalik esa hozirda oltinchi o'rinni egallab turibdi.

Boshqa natijalarga to'xtaladigan bo'lsak, Qozog'iston vakili Nikolay Veretennikov birinchi raundda amerikalik Niko Praysni nokautga uchratdi. Tojikistonlik Muin Gafurov esa afsuski, mag'lubiyat alamini totib ko'rdi. Qo'shnimiz bellashuv tugashiga bir soniya qolganida polshalik Yakub Viklacga gilotina usulida bo'g'ish orqali yutqazdi.

Muddatidan avval g'alaba qozongan yana bir jangchi amerikalik yarim og'ir vazn toifasidagi Dastin Jeykobi bo'lib, u hamyurti Julius Uokerni ikkinchi raundda texnik nokautga uchratdi.

UFC Fight Night 266 turnirining barcha natijalari:

Asosiy kard janglari

Mario Bautista Vinishius Oliveyra sabmishn (ortdan bo'g'ish) qildi – 2-raund, 4:46

Kiodji Xoriguchi Amir Albazini hakamlar qaroriga ko'ra yutdi (30-27, 30-27, 29-28)

Rizvan Kuniev Jailton Almeydani ochkolar bo'yicha taslim etdi (30-27, 30-27, 29-28)

Mixal Oleksiychuk Mark-Andre Barrioni hakamlar qarori bo'yicha engdi (29-28, 29-28, 29-28)

Farid Basharat Jan Macumotoni hakamlarning ayri qarori evaziga mag'lubiyatga uchratdi (29-28, 29-28, 28-29)

Dastin Jeykobi Julius Uokerni texnik nokautga (zarba) uchratdi – 2-raund, 1:42

Prelim kard janglari

Daniil Donchenko Aleks Moronodan ustun keldi (30-26, 30-26, 30-27)

Nikolay Veretennikov Niko Praysni nokaut (tirsakda zarba) qildi – 1-raund, 1:42

Ketlin Souza raqibasi Bruno Brazilni ochkolar bo'yicha yutdi (29-28, 29-28, 29-28)

Javid Basharat Janni Vaskesni hakamlarning yakdil qaroriga evaziga mag'lub etdi (29-28, 29-28, 29-28)

Van Kong Eduardo Mourani hakamlar qaroriga ko'ra engdi (30-27, 29-28, 29-28)

Yakub Viklac Muin Gafurovni sabmishn (gilotina) evaziga yutdi – 3-raund, 4:59

Klaudiya Sigula raqibasi Priscila Kachoeyrani ochkolar bo'yicha mag'lubiyatga uchratdi (30-27, 30-27, 29-28)