Duatlon bo'yicha o'tkazilgan O'zbekiston chempionatidan yorqin FOTOREPORTAJ

Sababi, bu erda sportning duatlon yo'nalishi bo'yicha professionallar o'rtasida O'zbekiston chempionati o'tkazildi.

Duatlon bo'yicha O'zbekiston chempionatini o'tkazishdan ko'zlangan maqsad, yoshlar orasida sportning murakkab turlarini rivojlantirish, aholi orasida keng ommalashtirish hamda sog'lom turmush tarzini yanada faol targ'ib qilishdan iborat.

Dastlab musobaqaning ochilish marosimi tashkil etildi. Unda O'zbekiston Respublikasi Prezidenti huzuridagi Xavfsizlik kengashi Kotibi, O'zbekiston triatlon federaciyasi raisi Viktor Mahmudov, O'zbekiston Respublikasi Milliy gvardiyasi qo'mondoni, general-mayor Rustam Jo'raev, Jismoniy tarbiya va sport vazirining o'rinbosari Avazjon Karimov, Milliy Olimpiya qo'mitasi prezidenti Rustam SHoabdurahmonov va boshqalar ishtirok etdi. 

Tadbirda so'zga chiqqanlar ushbu musobaqa mamlakatimizda sog'lom turmush tarzini keng targ'ib etish yo'lidagi ezgu say-harakatlarning mantiqiy davomi bo'libgina qolmasdan, «Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida»gi O'zbekiston Respublikasi Prezidentining farmoni ijrosini taminlashga ham xizmat qilishini alohida etirof etishdi.

Endi musobaqaga kelsak. Duatlon bo'yicha O'zbekiston chempionati uchta yosh toifasida tashkil etildi: o'smirlar, yani 14-17 yosh, 18-23 yosh hamda kattalar, yani 24 yosh va undan yuqori yoshdagi sportchilar.

Ishtirokchilar quyidagi masofalarda g'oliblik uchun bahs olib borishdi:

• Birinchi bosqich, yugurish – 5 km.

• Ikkinchi bosqich, velosipedda poyga – 20 km.

• Uchinchi bosqich, yugurish – 2,5 km.

Musobaqada mamlakatimizning turli mintaqalari, jumladan Xorazm, Surxondaryo, Navoiy, Buxoro viloyatlari, shuningdek, Samarqand, Namangan, Andijon va Qarshi shaharlaridan jami 88 nafar eng kuchli, yani professional duatlonchilar O'zbekiston chempioni degan yuksak nomga sazovor bo'lish uchun kurash olib borishdi.

Musobaqa g'oliblari bilan tanishing:

Erkaklar:

1. Aleksandr Reshetnikov (vaqti – 59:34)

2. Arslon Tursunov (59:43)

3. Kamron Xodjaev (1:00:11)

Ayollar:

1. Alina Xakimova (1:09:02)

2. Ekaterina Ryazanova (1:12:14)

3. Arina Mirzabekova (1:25:25)

Yosh toifalari bo'yicha g'oliblar:

O'smirlar (14-17 yosh)

1. Roman Kariev

2. Danila Sichev

3. Diyorbek Komiljonov

Qizlar:

1. Arina Mirzabekova

2. Sevara Boboqulova

3. Malika Toshpo'latova

O'spirinlar (18-19 yosh)

1. Arslon Tursunov

2. Kamron Xo'jaev

3. Qobiljon Muhammedov

Qizlar:

1. Ekaterina Ryazanova

2. Malika Hoshimova

3. Zulayxon Jumaboeva

U-23 (20-23 yosh)

Erkaklar:

1. Aleksandr Reshetnikov

2. Umid Alimov

3. Muhammadaziz Tursunboev

Ayollar:

1. Alina Hakimova

2. Oydina Ikromova

3. Gulnora Axmedova

Elite (23 yoshdan kattalar)

1. Doniyorxo'ja Hamroev

2. Dmitriy Zaycev

Suratlar muallifi - Alimurod MAMADAMINOV, o'z muxbirimiz