Dunyo dzyudosi afsonasi bir yarim yillik tanaffusdan so'ng qaytmoqda

Ikki karra Olimpiada chempioni, 10 karra jahon chempioni, ko'poab xalqaro musobaqalar g'olibi bo'lgan franciyalik og'ir vazn toifasidagi sportchi 10-12 may kunlari Ozarbayjon poytaxti Boku shahrida o'tkaziladigan “Katta Dubulg'a” turkumiga kiruvchi reyting turnirida ishtirok etadi. 

Etiborlisi, Boku turniri Riner uchun Tokio-2020 Olimpiadasi yo'lidagi birinchi reyting musobaqasi bo'ladi. Teddi so'nggi bor 2017 yilning noyabr oyida Marokashda o'tgan jahon chempionatida ishtirok etgan va mutloq jahon chempioniga aylangandi. 

SHundan so'ng Riner tanaffus oldi va ikkita jahon chempionatini o'tkazib yubordi. U o'tgan yili aynan Bokudagi jahon chempionatida ishtirok etmadi. Qolaversa, Tokio mezbonligida o'tadigan mundialda ham qatnashmoqchi emas. Lekin Teddi Olimpiadaga borish uchun zarur reyting ochkolarini qo'lga kiritish lozim.