06 iyu 13:32
Yangiliklar

Tennis

Dunyoning 103-raketkasi "Uimbldon" 1/2 finalida

Londonda davom etayotgan tennis bo'yicha "Katta Dubulg'a" turkumiga kiruvchi "Uimbldon" turniri kutilmagan natijalarga ham boy bo'lmoqda.

Jumladan, ayollar o'rtasidagi musobaqaning yarim finaliga WTA reytingida 103-pog'onadan joy olib turgan Tatyana Mariya etib keldi. Germaniyalik tennischi chorak final uchrashuvida vatandoshi, reytingning 97-pog'onasida borayotgan Juli Nimayerdan ustun keldi - 4/6, 6/2, 7/5.

Bir yuz qirq daqiqa davom etgan uchrashuvda Mariya 4, Nimayer esa 3 ta eys zarbasini amalga oshirgan. Bu hamyurtlarning o'zaro o'tkazgan ilk uchrashuvi edi. Endi u 1/2 finalda dunyoning ikkinchi raketkasi, tunislik Ons Jaberga qarshi kortga chiqadi.