Dunyoning sakkizinchi raketkasi bahsni yakuniga etkaza olmadi

Sayyoramizning sakkizinchi raqamli tennis malikasi Kiki Bertens Internationaux de Strasbourg turnirining ikkinchi davrasida reytingning 43-pog'onasidan joy olib turgan latviyalik Elena Ostapenkoga qarshi bahs olib bordi. 

Niderlandiyalik tennischi uchinchi setning oltinchi geymidan so'ng jarohat sabab kurashni davom ettira olmasligini malum qildi. Bu vaqtga kelib hisob 6/2, 4/6, 2/4 ko'rinishida Ostapenko foydasiga bo'lib turgandi. Tennischilarning o'zaro uchrashuvlaridagi hisob muvozanati tiklandi - 2:2. Endi Elena chorak finalda yaponiyalik Nao Xibinoga qarshi kortga chiqadi.