Dunyoning to'rtinchi raketkasi Gamburgdagi yurishini to'xtatdi

Sayyoramizning to'rtinchi raketkasi Stefanos Cicipas Hamburg European Open turnirining chorak finalida mag'lubiyat alamini totib ko'rdi. Greciyalik tennischi reytingning 44-pog'onasidan joy olib turgan serbiyalik Filip Krayinovichga imkoniyatni boy berdi - 6/3, 1/6, 3/6.

Bir daqiqasi kam 2 soat davom etgan bahsda Stefanos 11 ta, Filip esa 1 ta eys zarbasini amalga oshirgan. Krayinovich tennischilarning o'zaro uchrashuvlarida hisobni qisqartirishga muvaffaq bo'ldi - 2:1. Endi serbiyalik yarim finalda vatandoshi Laslo Derega qarshi kortga chiqadi.