23 fev 17:57
Yangiliklar

Dzyudo

Dyusseldorf. Boboev uchinchi uchrashuvida yutqazdi

Xabar berganimizdek, Germaniyaning Dyusseldorf shahrida dzyudo bo'yicha “Katta Dubulg'a” turkumiga kiruvchi nufuzli turnirning ikkinchi kungi bahslari davom etmoqda.

Hamyurtlarimizdan -73 kg vazn toifasidagi G'iyosjon Boboev ketma-ket ikki g'alabadan so'ng uchinchi bellashuvida mag'lubiyat alamini totib ko'rdi. Dzyudochimiz germaniyalik Antoni Zingga imkoniyatni boy berib, musobaqadagi ishtirokini yakunladi.

Eslatib o'tamiz, u birinchi bosqichda filippinlik Keysey Nakano, ikkinchi davrada kanadalik Artur Margelidondan ustun kelgan edi.

SHu tariqa, o'zbekistonlik dzyudochilarning Dyusseldorf turniridagi bugungi ishtiroki o'z nihoyasiga etdi. Ertaga musobaqaning so'nggi kuni qolgan vakillarimiz tatamiga chiqishadi.