Dzyudo. Farmonov Antaliya Gran-Prisi g'olibi!

Hozirgina -73 kg vazn toifasidagi polvonlar o'rtasidagi bahslar yakuniga etdi. Quvonarlisi, unda hamyurtimiz Mirzohid Farmonov barcha raqiblarini mag'lubiyatga uchratib, Gran-pri g'olibiga aylandi.

U hal qiluvchi bahsga qadar Turkiya, Slovakiya va Kosovo davlatlari vakillarini mag'lubiyatga uchratgandi. Hal qiluvchi final uchrashuvida esa turkiyalik Hasan Vanliogludan ustun keldi va oltin medalni qo'lga kiritdi.

Ushbu vazn toifasidagi yana bir dzyudochimiz G'iyosjon Boboev esa chorak finalgacha etib bordi va imkoniyatni boy berib qo'ydi. Bronza medali yo'lidagi o'tish bahsida tatamiga chiqqan Boboev slovakiyalik Rok Draksichga yutqazdi.