Dzyudo federaciyada masofaviy faoliyat samarali davom etmoqda

Jumladan, O'zbekiston dzyudo federaciyasida ham ish to'xtab qolgani yo'q. Bugungi axborot texnologiyalari yashin tezligida taraqqiy etib borayotgan zamonamizda federaciya rahbariyati, xodimlar, murabbiylar shtabining faoliyati masofadan turib davom ettirilmoqda. 

"Biz murabbiylar telegram ijtimoiy tarmog'ida doimiy axborot, malumot almashishni yo'lga qo'yganmiz. SHuningdek, onlayn video konferenciya orqali ham muloqotga kirishyapmiz. Murabbiylar sportchilarimizning karantin davridagi holati, ularning sog'liqlari haqida kunlik malumotlarga ega bo'lib borishyapti. Kunlik mashg'ulotlardan tashqari, karantin davrida bo'sh vaqt ko'p bo'lishini inobatga olgan holda o'ziga xos chellenjlar ham yo'lga qo'yilgan. Bu jarayon ham o'z o'rnida bo'sh vaqtni mazmunli o'tkazish uchun xizmat qilyapti", - deydi O'zbekiston Respublikasida xizmat ko'rsatgan murabbiy Ravshan Ahmadjonov.

Qadrli yurtdoshlar, barchamizdan uyda qolish so'ralmoqda. Zero, faqat shu yo'l bilangina tezroq koronavirus balosidan qutulish mumkin. Talablarga to'liq rioya qilsak, koronavirus pandemiyasini engish oson hamda tezroq amalga oshadi.