Dzyudo. G'iyosjon Boboev oltin medal uchun jang qiladi

-73kg vazn toifasida janglarda ishtirok etgan sportchimiz G'iyosjon Boboev bahslarning finaliga yo'l oldi. Sportchimiz saralangan dzyudochi sifatida janglarni chorak finaldan boshladi. U ilk jangida ozarbayjonlik Telman Valievni mag'lubiyatga uchratgan bo'lsa, yarim finalda slovakliyalik Martin Xojakni mag'lub etdi. Endi u finalda qozog'istonlik raqibga qarshi jang qiladi.

Ushbu vazn toifasida qatnashgan yana ikki nafar sportchimiz Mirzohid Farmonova va Hikmatulloh To'raevlar bronza medallari uchun jang qiladilar. Jahongir Alimardonov esa medallar uchun kurashish imkoniyatini qo'lga kirita olmadi.

-73kg. Medallar uchun janglar:

Bronza: Mirzohid Farmonov (O'zbekiston) - Telman Valiev (Ozarbayjon)

Bronza: Hikmatulloh To'raev (O'zbekiston) - Martin Xojak (Slovakiya)

Oltin: G'iyosjon Boboev (O'zbekiston) - Jansay Smagulov (Qozog'iston)