Dzyudo. Marokash Gran-Prisining ilk kunida ikkita oltin!

Quvonarlisi, musobaqaning dastlabki kuni hamyurtlarimiz uchun omadli kechdi. 

-60 kg vazn toifasida yurtimiz sharafini himoya qilgan SHarofiddin Lutfullaev musobaqa davomida Marokash, Franciya, Turkiya, Britaniya va Ukraina vakillarini mag'lubiyatga uchratdi va oltin medalga sazovor bo'ldi. 

-66 kg vazn toifasida esa Sardor Nurillaev oltin medalni qo'lga kiritdi. U musobaqa davomida Gvineya-Bisau, Litva vakillarini, shuningdek boshqa bir hamyurtimiz SHahram Ahadovni mag'lub etdi. So'ngra Rossiya va Misr vakillaridan ustun keldi va shohsupaning eng yuqori pog'onasidan o'rin egalladi. Mazkur vazn toifasidagi SHahram Ahadov bronza medali uchun kechgan jangda misrlik polvonga imkoniyatni boy berdi.