04 mar 12:16
Yangiliklar

Dzyudo

Dzyudo. Nazarov Evropa Ochiq Kubogida bronzaga ega chiqdi+FOTO

Xabar berganimizdek, shu kunlarda Turkiyaning Antaliya shahrida dzyudo bo'yicha o'smirlar va qizlar o'rtasida Evropa Ochiq Kubogi bo'lib o'tmoqda.

O'smirlar o'rtasidagi musobaqada yurtimiz sport sharafini 55 kg vaznda Maqsud Ochilov, 66 kilogrammda Jayxunbek Nazarov va +90 kiloda Temurbek Xojiev himoya qilyapti. Ulardan Jayxunbek Nazarov musobaqaning bronza medalini qo'lga kiritdi.

Dzyudochimiz qozog'istonlik polvonlar Atabek Turlibaev, va Almas Uali hamda ozarbayjonlik Xayal Sadikovdan ustun keldi. Yarim finalda turkiyalik Umalt Demirelga yutqazib qo'ydi. Bronza uchun kechgan bahsda esa yana bir mezbon sportchi Go'kchen Niyazini taslim etdi.