Dzyudo. Rahmon va Diyora g'alaba bilan boshladi va boshqa natijalar

-60 kg vazn toifasidagi ikki vakilimiz ilk davra uchrashuvini o'tkazishdi. Kemran Nurullaev murosasiz bahsda braziliyalik taniqli dzyudochi Felipe Kitadaiga imkoniyatni boy bergan bo'lsa, Rahmon Jumaev turkmanistonlik raqibi Haqberdi Jumaevni mag'lubiyatga uchratdi. Endi Jumaev ikkinchi bosqichda britaniyalik Eshli Mkenziega qarshi tatamiga chiqadi. Kitadai esa rossiyalik rossiyalik Albert Oguzov bilan to'qnash keladi.

Ayollar o'rtasida -57 kg vazn toifasida yurtimiz sharafini himoya qilgan Amina Mamedova o'z uchrashuvini yakunladi. Birinchi bosqichda italiyalik Martina Loga qarshi tatamiga chiqqan vakilamiz kuchli raqibasiga imkoniyatni boy berib qo'ydi. Bu borada Aminaga xalqaro tajribaning biroz kamligi pand berib qo'ydi.

-52 kg vazn toifasida yurtimiz sharafini himoya qilayotgan Diyora Keldiyorova o'z uchrashuvini yakunladi. O'smirlar o'rtasida jahon chempioni bo'lgan Diyora birinchi bosqichda italiyalik Martina Kastognoladan ustun keldi. Keldiyorovaning ikkinchi bosqichdagi raqibasi mezbonlar vakilasi Gefen Primo bo'ladi.

-52 kg vazn toifasida yurtimiz sharafini himoya qilayotgan yana bir vakilamiz Gulnoza Ziyaeva ham ilk g'alabasiga erishdi. U ispaniyalik Sofiya Xogrefedan ustun keldi.

O'zbekiston dzyudo federaciyasi matbuot xizmati