Dzyudo. Toshkentdagi "Katta Dubulg'a"ning ilk kunini oltin va kumush bilan yakunladik

Bugun erkaklar va ayollar o'rtasida jami 5 ta vazn toifasida bahslar tashkil etildi. 

Kun yakuniga ko'ra, terma jamoamiz 1 ta oltin va 1 ta kumush medallariga ega chiqishdi. 

Erkaklar o'rtasida Doston Ro'ziev -60 kg vazn toifasida oltin medalni qo'lga kiritgan bo'lsa, qizlarimizdan -52 kg vaznli Gulhayo Jo'raeva kumush medalga sazovor bo'ldi. 

-66 kg vaznli Sardor Nurillaev esa 5-o'rin bilan kifoyalandi. 

Musobaqa 2 va 3 mart kunlari ham davom ettiriladi.