Dzyudochilarimiz Xitoydagi "Masters"da ishtirok etishmoqda

Avvaliga musobaqada to'rt nafar vakilimiz qatnashishi haqida xabar qilgandik. Ammo, kecha Diyorbek O'rozboev mashg'ulotlar vaqtida jarohat oldi va turnirda qatnasha olmaydigan bo'ldi. 

Bugun esa -60 kg vazn toifasida yurtimiz sharafini himoya qilgan SHarofiddin Lutfullaev o'zining ilk bellashuvida mo'g'ulistonlik Boldbaatar Ganbatni mag'lubiyatga uchratdi. Ikkinchi jangda esa qozog'istonlik Eldosh Smetovga imkoniyatni boy berdi. Bronza medali uchun o'tish jangida esa braziliyalik raqibga yutqazib qo'ydi.

-66 kg vaznli polvonimiz SHahram Ahadov esa o'zining ilk jangida rossiyalik Yakub SHamilovga imkoniyatni boy berdi.

Ertaga, +100 kg vazn toifasida bahslar tashkil etiladi va unda Bekmurod Oltiboev yurtimiz sharafini himoya qiladi.