15 mar 20:06
Yangiliklar

Dzyudo

Ekaterinburg “Katta Dubulg'a”. -66 kg vaznda Le Blouch chempion

Xabar berganimizdek, Ekaterinburg shahrida “Katta Dubulg'a” turkumiga kiruvchi, sovrin jamg'armasi 154 000 AQSH dollarini tashkil etuvchi nufuzli musobaqa davom etmoqda.

Erkaklar o'rtasidagi -66 kg vazn toifasida ham g'olib va sovrindorlar malum bo'ldi. Bu vazn oltin medali franciyalik Kilian Le Blouchga nasib qildi. U hal qiluvchi final bellashuvida rossiyalik Isa Isaevni mag'lubiyatga uchratib, shoxsupaning eng yuqori pog'onasiga ko'tarildi. Gruziyalik Bagrati Niniashvili va isroillik Baruch SHmaylov bronza medaliga sazovor bo'lishdi.

Ushbu vaznda ikki hamyurtimiz ham o'z imkoniyatini sinovdan o'tkazdi. Artyom SHturbabin ilk davradayoq rossiyalik Ismail CHasigovga yutqazib qo'ydi. Muhriddin Tilovov esa chexiyalik Pavel Petrikovdan ustun keldi. Lekin ikkinchi uchrashuvida musobaqa finalchisi rossiyalik Isa Isaevga imkoniyatni boy berib qo'ydi.