28 iyu 11:56
Yangiliklar

Tennis

Emma Radukanu "Uimbldon"da muvaffaqiyatli start oldi

Sayyoramizning 11-raqamli tennis malikasi Emma Radukanu "Katta Dubulg'a" turkumiga kiruvchi "Uimbldon" turniridagi ishtirokini boshladi.

Britaniyalik tennischi 102 daqiqa davom etgan birinchi davra uchrashuvida WTA reytingida 46-pog'onadan joy olgan belgiyalik Alison van Uytvankni 6/4, 6/4 hisobida taslim etdi.

Tennischilarning o'zaro uchrashuvlaridagi hisob 2:0 ko'rnishiga keldi. Har ikki tennischi 3 tadan eys zarbasini amalga oshirishgan. Radukanu endi franciyalik Karolin Garsiyaga qarshi kortga chiqadi. Garsiya o'z o'rnida britaniyalik Yuriko Miyadzakidan ustun keldi - 4/6, 6/1, 7/6(4).