Endi Marrey dunyoning 10-raketkasini mag'lub etdi

Erste Bank Open turnirida dunyoning sobiq birinchi raketkasi Endi Marrey ham ishtirok etyapti. Britaniyalik tennischi ayna paytda dunyo reytingida 156-pog'onadan joy olgan. SHunga qaramay, u dunyoning 10-raketkasi, polshalik Xubert Gurkachni mag'lub etishni uddaladi - 6/4, 6/7(6), 6/3.

Ikki soatu 43 daqiqa davom etgan bahsda 34 yoshli Endi 10 ta, 24 yoshli Xubert esa 12 ta eys zarbani ijro etdi. Polshalik tennischi o'zaro uchrashuvlarda hamon oldinda bormoqda - 2:1. Endi Marrey Erste Bank Open turnirining ikkinchi davrasida ispaniyalik Karlos Alkarazga qarshi kortga chiqadi.