18 iyu 16:06
Yangiliklar
Tennis
Endi Marrey Nottingem "CHellenjer" finalida
Buyuk Britaniyaning Nottingem shahrida tennis bo'yicha "CHellenjer" turkumiga kiruvchi turnir davom etmoqda.
Dunyoning 44-raketkasi Endi Marrey musobaqaning finaliga yo'l oldi. Britaniyalik tennischi 74 daqiqa davom etgan 1/2 finalda ATP reytingining 73-pog'onasida borayotgan portugaliyalik Nunu Borgeshni ortiqcha qiyinchiliksiz mag'lubiyatga uchratdi - 6/3, 6/2.
Bu tennischilarning o'zaro o'tkazgan ilk uchrashuvi edi. Marrey 6, Borgesh esa 3 ta eys zarbani amalga oshirgan. Ikkala tennischi ham qo'shxatoga yo'l qo'ymadi. Breyklar soni Endida ko'proq bo'ldi - 4 ga 1. Marrey qatorasiga ikkinchi hafta ham "CHellenjer" turnirining finalida o'ynaydi. Bugun u bosh sovrin uchun franciyalik Artur Kazoga qarshi kortga chiqadi.
Havola :
Manba : gotennis
Fikrlar