Endi Marrey va Novak Jokovich besh yildan so'ng yana o'zaro to'qnash kelishadi

Musobaqaning 1/8 finaliga kelib tennis muxlislari oradan besh yil o'tib Jokovich va Marrey o'rtasidagi navbatdagi qarama-qarshilikka guvoh bo'lishadi. Ushbu bahs turnirning eng qiziqarli uchrashuvi bo'lishi kutilmoqda.

Tennischilar shu vaqtga qadar o'zaro 37 marta to'qnash kelishgan va ularning 25 tasida Novak g'alaba qozongan. 11 ta bahsda esa Marreyning qo'li baland kelgan. Sportchilarning oxirgi uchrashuvi 2017 yilda Qatar Open turniri doirasida bo'lib o'tgan. O'shanda Jokovich 6/3, 5/7, 6/4 hisobida g'alaba qozongandi. 

Endi Marrey Jokovich bilan bo'lajak o'yin haqida fikrlarini bildirib o'tdi: "Nazariy jihatdan menda g'alaba qozonish uchun imkoniyat bo'lmasligi mumkin. CHunki u dunyoning birinchi raketkasi va men metall son bilan o'ynayman. Men uchun bu bahs qanday saviyada ekanligimni ko'rish va unga qarshi yana o'ynash uchun ajoyib imkoniyat.

O'tgan yillar davomida biz dunyoning eng yirik turnirlarida ko'plab ajoyib uchrashuvlarni o'tkazdik. Menimcha, biz "Katta Dubulg'a" turnirlarining barchasida finalda o'ynaganmiz, bu erda ham finalda to'qnash kelganmiz. Men uzoq vaqtdan beri Novak bilan uchrashish imkoniga ega bo'lmadim. Hatto bu paydo bo'ladimi buni ham bilmasdim. SHunday ekan, o'yindan zavq olgan holda, unga fantastik kayfiyat bilan kirishaman va bor kuchimni ishga solaman",-deya fikr bildirdi Marrey. 

Tennischilar o'rtasidagi o'yin bugun Toshkent vaqti bilan soat 15:00da boshlanadi.