16 jan 08:46
Yangiliklar

Tennis

Endi Marreyni mag'lub etgan Karacev Sidney turniri chempioniga aylandi

Jahonning 20-raketkasi rossiyalik Aslan Karacev Sidneydagi ATP 250 turniri bosh sovrinini qo'lga kiritdi.

U hal qiluvchi final uchrashuvida ATP reytingida 135-o'rinni egallab turgan, dunyoning sobiq birinchi raketkasi, britaniyalik Endi Marreyga qarshi kortga chiqdi. Bir soatu 32 daqiqa davom etgan bahsda Karacev nomdor raqibini 6/3, 6/3 hisoblarida mag'lubiyatga uchratdi.

Karacev uchun bu mavsumdagi birinchi, faoliyatidagi 3-sovrin hisoblanadi. Turnir chempionligi Aslanga 87,370 dollar mukofot puli hamda 250 reyting ochkosini taqdim etdi. Marrey esa Sidney turniridan 48,365 dollar va 150 ochko ishlab oldi.