Engil atletikachilarimizdan bir kunda ikkita licenziya!

O'zbek sportidagi islohotlar samarasi: engil atletikachilarimizdan bir kunda ikkita licenziya!

Bangkok shahrida engil atletika bo'yicha Osiyo chempionati davom etmoqda.

Biroz avval bosqon uloqtirish bahslarida Regina Adashboeva III yozgi o'smirlar Olimpiya o'yinlariga yo'llanma qo'lga kiritgani haqida xabar bergandik.

Endi esa yana bir sportchimiz Argentina Olimpiadasida ishtirok etish xuquqini qo'lga kiritdi. Uchxatlab sakrash bo'yicha o'tkazilgan bellashuvlar yakuniga ko'ra hamyurtimiz Roksana Xudoyarova 13 m. 21 sm. natija ko'rsatib, Osiyo chempiontaning oltin medaliga sazovor bo'ldi va delegaciyamiz hisobiga III o'smirlar Olimpiya o'yinlarining 28-licenziyani qo'shib qo'ydi.

Qayd etib o'tish lozimki, 2014 yilgi Nankin Olimpiadasida engil atletikachilarimiz yo'llanma qo'lga kirita olmagandilar. Bugun esa ular bir kunda ikkita licenziyaga ega chiqishdi.