Erali Toshkentda tojikistonlik blogerga qarshi jang o'tkazadi + POSTER

Tashkilotchilarning xabar berishicha, ushbu turnir kardiga o'zbekistonlik bloger Erali Boyqobilov hamda Rodnoi nomi bilan tanilgan tojikistonlik Bobochoni Xolmurod o'rtasidagi jang ham qo'shildi. Ushbu jang MMA formatida 3 daqiqadan 3 raund etib belgilandi va ko'rgazmali maqomda bo'ladi. 

Eslatib o'tamiz, o'tgan yili BAAning Dubay shahrida tashkil etilgan Social Knockout 3 turniri doirasida Erali Boyqobilov tojikistonlik bloger Abdurozikka qarshi boks qoidalari asosida jang o'tkazgan edi. O'shanda 4 raund to'liq davom jangda garchi Erali ustunlikka erishgan bo'lsa-da, hakamlar durang natija qayd etilganini elon qilishgandi.