Federer bu yil kortga qaytmaydi

Rojer Federer 2020 yil hisobidan o'tkazilishi mumkin bo'lgan turnirlarda ishtirok etmaslikni lozim topdi. Bunga tizzasidagi jarohatning qaytalab qolmasligi sabab bo'lmoqda. Rojerning tizzasi bir necha hafta avval operaciya qilingan edi. 

"Hurmatli, muxlislar! O'ylaymanki, siz uyda, xavfsizlikda o'zingizni yaxshi xis etyapsiz. O'ng tizzamdagi operaciyadan keyin ikki hafta avval qo'shimcha muolajalarni oldim. Hozir xuddi 2017 yilgi mavsumda bo'lgani kabi tiklanish uchun tanaffus olmoqchiman. Kuchga to'lib qaytishim uchun shunday qilmasam bo'lmaydi. Nasib qilsa, kelasi mavsum uchrashamiz", - dedi dunyoning to'rtinchi raketkasi o'zining Twitter sahifasida.