04 sen 17:01
Yangiliklar

Futbol

FIFA JCH-2026 chiptalarining boshlang'ich narxini belgiladi

Teglar : FIFA

FIFAga ko'ra, 2026 yilgi Jahon chempionati chiptalarini sotishning birinchi bosqichida dinamik narxlar qo'llanadi, muxlislar bozor talabiga qarab turli narxlardagi to'lovni amalga oshiradi va chiptalar 60 dollardan boshlanadi.

Muxlislar 10 sentyabr kuni CET (Markaziy Evropa standart vaqti (UTC +1)da boshlanadigan va 19 sentyabrga qadar davom etadigan VISA oldi-sotdisi vaqtida AQSH, Kanada va Meksika mezbonligidagi JCH chiptalarini sotib olish uchun birinchi imkoniyatga ega bo'ladi.

Guruh bosqichi o'yinlariga chiptalar Visa kartalari egalari uchun 60 dollardan sotiladi, keyingi bosqichlar, jumladan, final o'yinlari uchun narxlar 6730 dollarni tashkil etadi, deya xabar berdi FIFA.

FIFAning chiptalar va mehmondo'stlik bo'yicha direktori Falk Eller jurnalistlarga: "Visa sotuvining birinchi bosqichi uchun bizda 1 millionga yaqin chiptalar mavjud", dedi.

Uning qo'shimcha qilishicha, narxlar bozor talabiga qarab o'zgaradi, bu dinamik narxlash yoki narxning o'sishi deb nomlanuvchi strategiya sanaladi.

Dinamik narxlar ko'pincha bayram mavsumida aviabiletlar va mehmonxona narxlarida kuzatiladi.

Havola :

Manba : ESPN

Reyting: