Finalda "Barselona"ga yutqazgan Alonso o'yindan so'ng nimalar dedi?

"Barqarorlikda, bu juda qizg'in, raqobatbardosh va qiziqarli o'yin bo'ldi. Oxirida bizda ikkita juda yaxshi imkoniyat bo'ldi, hisobni tenglashtirishga juda yaqin keldik. Ammo natija biz kutgandek bo'lmadi, bugungi g'alaba bilan "Barselona"ni tabriklaymiz.

So'nggi 15 daqiqada ko'p narsa yuz berdi. Biz o'yinni yaxshi nazorat qildik. To'p nazorati bizda bo'lmasa-da, eng qulay ikki imkoniyatni yuzaga keltirdik. Birinchi golni o'tkazib yubordik, lekin jamoa xarakter ko'rsatdi. Tanaffusga 2:2 hisobida chiqdik, ikkinchi bo'lim juda qizg'in va teng kurashlar ostida o'tdi. Biz hisobni tenglashtirishga harakat qildik, lekin buning imkoni bo'lmadi.

Endi bu sahifani imkon qadar tezroq yopishimiz kerak. Oldinga yurishimiz, futbolchilarni o'yinga qaytarishimiz, kurash ruhini tiklashimiz va yo'lda davom etishimiz kerak", — deya fikr bildirdi Alonso.

Avvalroq, "Barselona" bosh murabbiyi Xans-Diter Flik ham final uchrashuvi haqida gapirgandi.

"Bu muhim final edi. "Real"ga qarshi o'yinlar har doim ajoyib bo'ladi. Biz aynan xohlaganimizdik o'ynadik. Yigitlar bilan faxrlanaman, biz juda yaxshi o'ynadik, to'pni va o'yinni nazorat qildik. Oqibatda butun jamoa biz xohlagan tarzda o'ynadi. Oxirigacha qiyin bo'ldi, lekin biz jamoa sifatida kurashdik — bu juda tasirli.

Rafinya? Uning mentaliteti hayratlanarli, bizda boshqa o'yinchilar bor, lekin u butun jamoaga tasir qiladi. U birinchi imkoniyatni qo'ldan boy berdi, lekin ikkinchisidan foydalanib, bizga ustunlikni berdi. O'zingiz ko'rganingizdek, biz juda katta bosim ostida edik", — deya fikr bildirdi germaniyalik mutaxassis.