10 avg 07:51
Yangiliklar

Tennis

Fiona Ferro Palermo Ladies Open chempioni

Italiyaning Palermo shahrida o'tkazilgan Palermo Ladies Open turniri yakunlandi.

Hal qiluvchi final uchrashuvida WTA reytingida 53-pog'onadan joy olib turgan franciyalik Fiona Ferro dunyoning 22-raketkasi, estoniyalik Anett Kontaveytga qarshi kortga chiqdi va biroz kutilmaganda kuchli raqibasini 6/2, 7/5 hisobida taslim etdi.

Final uchrashuvi 103 daqiqa davom etgan. Bu tennischilarning o'zaro ikkinchi uchrashuvi bo'lib, bu safar ham 23 yoshli Ferro g'alabaga erishdi. Palermo Ladies Open turniridagi muvaffaqiyatli ishtirok Fiona Ferroga 280 reyting ochkosi hamda 20,161 evro mukofot puli keltirdi.