Fomin Poznanda birinchi raketkaga qarshi kortga chiqdi

Mukofot jamg'armasi 25 000 AQSH dollarini tashkil etuvchi ushbu musobaqada hamyurtimiz Sergey Fomin ham o'z imkoniyatini sinab ko'rdi. Mamlakatimizning ikkinchi raketkasi biroz avval 2 soatu 16 daqiqa davom etgan 1/4 final uchrashuvida turnirning birinchi raketkasi, chexiyalik Mixail Vrbenskiga qarshi kortga chiqib, 6/4, 4/6, 1/6 hisobida imkoniyatni boy berib qo'ydi. 

Taqqoslash uchun, Sergey Fomin ATP reytingida 546, Vrbenski esa 279-o'rinni egallab turibdi. Tennischimiz bundan avvalgi bosqichlarda reytingda o'zidan yuqorida o'rinlarda borayotgan chexiyalik Marek Gengel hamda germaniyalik Luis Vesselsni mag'lubiyatga uchratgan edi.