Fomin va Fayziev Rossiyadagi turnirni muvaffaqiyatli boshlashdi

Musobaqada ikki nafar tennischimiz Sergey Fomin va Sanjar Fayziev ishtirok etmoqda.

Sergey Fomin musobaqaning 1/16 final bosqichida mezbon tennischi Denis Klokka qarshi kortga chiqdi. 2 set davom etgan o'yinda Fomin 6/2, 6/4 hisobida g'alaba qozonib, 1/8 final bosqichiga chiqdi.

Yana bir tennischimiz Sanjar Fayziev 1/16 finalda rossiyalik Boris Pokotilovga qarshi o'yin o'tkazdi. Uchrashuv 2 set davom etdi va Fayziev raqibini 7/5, 6/2 hisobida mag'lubiyatga uchratdi.

SHuningdek, Fomin va Fayziev tandem hosil qilgan holda ushbu turnirning juftlik bahslarida ham qatnashmoqda. Bugun bu tandem 1/8 final bosqichi doirasida rossiyalik Andrey Uvarov va beloruslik Martin Borisiouk juftligiga qarshi kortga chiqdi. Turnirda 2-raqam ostida saralangan tennischilarimiz raqiblarini 2 setda 7/5, 6/3 hisobida mag'lub etib, chorak finalga yo'l oldi.

Tennischilarimiz yakkalik bahslaridagi ikkinchi o'yinni ertaga o'tkazishadi.