Fomin yakkalikda to'xtatildi, juftlikda esa 1/2 finalga chiqdi

Mukofot jamg'armasi 25 000 AQSH dollarini tashkil qiluvchi ushbu musobaqada hamyurtimiz Sergey Fomin ishtirok etyapti. Mamlakatimizning ikkinchi raketkasi ilk davrada avstraliyalik Antonio Pelivanga hech qanday imkoniyat qoldirmagandi - 6/0, 6/0.

Afsuski, Fomin 1/8 finalda avstraliyalik Mettyu Dellavedovaga 3/6, 6/3, 3/6 hisoblarida yutqazib, yakkalikdagi ishtirokini to'xtatdi. Dellavedova dunyo reytingida 429-o'rinni egallab turibdi. Fomin esa 619-pog'onadan joy olgan. Endi hamyurtimiz bor etiborini juftlikdagi ishtirokiga qaratadi. Bugun u final chiptasi uchun kortga chiqadi.