01 may 10:40
Yangiliklar

Tennis

Fominning yurishi boshlandi, SHin chempionga munosib qarshilik ko'rsatdi

Qozog'istonning SHimkent shahrida tennis bo'yicha ITF turkumidagi turnir bo'lib o'tmoqda.

M15 toifasiga kiruvchi ushbu musobaqada ikki tennischimiz ham o'z omadini sinab ko'ryapti. Turnirda birinchi raqam ostida tasniflangan hamyurtimiz Sergey Fomin 1 soatu 51 daqiqa davom etgan ilk davra bahsida rossiyalik 18 yoshli Egor Pleshivcevni 6/2, 6/4 hisobida mag'lub etdi.

Musobaqaning asosiy to'riga saralash bahslari orqali etib kelgan Maksim SHin esa franciyalik tajribali tennischi SHon Kyuninga 3/6, 6/7(3) hisobida imkoniyatni boy berib qo'ydi. SHon o'tgan hafta SHimkentdagi turnir finalida Fominni mag'lub etib, musobaqa chempioniga aylangandi.

ATP reytingida 461-o'rinni egallab turgan Sergey Fomin bugun 1/8 finalda hindistonlik Kumaran Bharatga qarshi kortga chiqadi. Hind tennischisi reytingning 1428-pog'onasidan joy olgan.