FOTO. CHirchiq shahrida "Besh tashabbus olimpiadasi"ning ikkinchi bosqichida g'oliblar aniqlandi

Xususan, joriy yil 18 oktyabrdan 29 oktyabrga qadar CHirchiq shahridagi talim muassasalarida "Besh tashabbus olimpiadasi" dasturidan o'rin olgan mini-futbol, stol tennisi, shaxmat-shashka, voleybol, engil atletika, stritbol, kurash, "street workout" bo'yicha ikkinchi mavsum, yani sektorlaro shahar bosqichi musobaqalari bo'lib o'tdi. CHirchiq shahar Sportni rivojlantirish bo'limi va sport maktabi,  Yoshlar ishlari agentligi  CHirchiq shahar bo'limi hamda boshqa masul tashkilotlar hamkorligidagi bellashuvlar natijalariga ko'ra, "street workout" bo'yicha "Haydar Maqsudov" "Navro'z"," Bahor", "Lola"," Iqbol" nomli mahalla yoshlari etakchilik qilishdi. Stol tennisi bahslarida "Ahmad Yassaviy" hamda "Lola" MFY jamoalari g'oliblikni qo'lga kiritishdi. Stritbol musobaqasida uchinchi sektordagi "Bahor" MFY ning 16-21 yoshli o'g'il bolalar jamoasi, engil atletikadan xuddi shu yosh toifasida qizlar jamoasi faxrli birinchi o'rinlarni band etib, viloyat bosqichiga chiqishdi. Engil atletika bahslarining 21-27 yoshli xotin-qizlar o'rtasida to'rtinchi sektorda joylashgan "Tinchlik" MFY jamoasi ham marrani birinchilardan bo'lib zabt etib,keyingi bosqich yo'llanmasini  naqd  qilishdi. SHaxmat musobaqalarida yosh toifalariga ko'ra, Mehriddin Sultonov, Asadbek  Obidov, Ulug'bek Tursuatov, Go'zal Gulmetova, Sevinch Mo'minova, shashkada Samandar Nishonboev, Said Nuzurmetov, Altinbek Sobirov, Baxtiyor Rasulov, Albina Adashboeva, SHahzoda SHermuhammedova, Kamola Yuldoshevalar barcha raqiblaridan ustun kelib, birinchi bo'lishdi. SHu tariqa "Besh tashabbus olimpiadasi" dasturidagi sport turlari bo'yicha shahar bosqichi g'oliblari aniqlandi.

Ilhom RAHMONOV tayyorladi