Gael Monfis ilk uchrashuvidayoq mag'lubiyatga uchradi

Kutilmaganda dunyoning 9-raketkasi Gael Monfis mag'lubiyat alamini totib ko'rdi. O'z ishtirokini to'g'ridan-to'g'ri ikkinchi bosqichdan boshlagan franciyalik tennischi reytingning 97-pog'onasidan joy olgan germaniyalik 26 yoshli Dominik Kyopferga yutqazib qo'ydi - 2/6, 4/6.

Uchrashuv 90 daqiqa davom etgan. Bu tennischilarning o'zaro o'tkazgan ilk to'qnashuvi edi. 34 yoshli Gael 4 ta, Dominik esa bitta eys zarbani amalga oshirdi. Kyopferning Internazionali BNL d'Italia turniri 1/8 finalidagi raqibi italiyalik 18 yoshli Roberto Muzetti bo'ladi.