G'alati emasmi? Xabib - Toni jangi qatorasiga ikkinchi bor 1 aprel kuni bekor qilindi

Qiziq tomoni shundaki, qatorasiga ikkinchi bor Toni - Xabib jangi 1 aprel kuni bekor qilinmoqda. Bu kun dunyoning ko'pgina davlatlarida hazil-mutoyiba hamda yolg'on xabarlarga boy bo'ladi. 

Fergyuson va Nurmagomedov ilk bor 2015 yilda uchrashishlari kerak edi. O'shanda Xabib jarohat olgani uchun jang bekor bo'lgandi. Ikkinchi jang 2016 yilda endi Fergyuson jarohat olgani uchun bekor bo'ldi. 

2017 yilda UFC uchinchi marotaba ushbu jangni tashkil qilishga urindi. Ammo, Xabib vazn bilan bog'liq muammoga duch kelishi natijasida bu galgi urinish ham o'xshamadi. 

2018 yilda Xabib va Toni vakant bo'lib turgan chempionlik kamari uchun oktagona chiqishlari lozim edi. Lekin Fergyuson kutilmaganda oyog'idan jarohat oldi va ularning janglari 1 aprel sanasida bekor qilindi. 

Qizig'i, Tonining o'rnini egallagan Maks Xollouey ham jarohat orttirib oldi va buning natijasida Xabib El Yakvintaga qarshi jang o'tkazdi va chempionlik kamarini qo'lga kiritdi.