Golovkin Kaneloga qarshi jangga tayyorgarlikni davom ettiryapti

Oqshomning markaziy jangida bugungi kunning o'rta vazn qirollari ringga ko'tarilishadi. O'rta vaznda WBA (Super), WBC hamda IBF yo'nalishlari chempioni bo'lib turgan Gennadiy Golovkin ikki vaznda sobiq jahon chempioni Saul “Kanelo” Alvaresdan titullarini himoya qiladi.

Ayni paytda qozog'istonlik jahon chempioni bo'lajak faoliyatidagi eng muhim jangiga tayyorgarlikni davom ettirmoqda. O'z o'rnida meksikalik davogar bokschi ham mashg'ulotlarga zo'r bergan. Bu ikki bokschi o'z vaqtida sparring-raqib ham bo'lishgan.