Grigor Dimitrov Vena turniridagi ishtirokini yakunladi

Dunyoning to'qqizinchi raketkasi bolgariyalik Grigor Dimitrov ikkinchi davrada ATP reytingida 27-o'rinni egallab turgan chexiyalik Tomash Maxachga uch set natijasiga ko'ra imkoniyatni boy berib qo'ydi - 7/6(5), 4/6, 3/6.

Bu tennischilarning o'zaro o'tkazgan ilk uchrashuvi bo'ldi. Ikki soatu 32 daqiqa davom etgan bahsda Dimitrov 12, Maxach 9 ta eys zarbasini amalga oshirgan. Qo'shxatolar Tomashda ko'proq bo'ldi 5 ga 4. Breyklar bo'yicha ustunlik ham tabiiyki Maxach foydasiga - 4 ga 2! Endi chexiyalik 1/4 finalda britaniyalik Jek Dreyperga qarshi kortga chiqadi.