Gulistonda veloshosse bo'yicha musobaqa start oldi

Sirdaryo viloyatining Guliston shahrida erkaklar o'rtasida velosportning shosse yo'nalishi bo'yicha O'zbekistonda xizmat ko'rsatgan murabbiy Bahodir Mo'minov xotirasiga bag'ishlangan respublika turniriga start berildi.  

Musobaqada yurtimizning turli hududlaridan kelgan 76 nafar sportchidan iborat 7 ta jamoa ishtirok etmoqda.

Turnirning birinchi kunida CHinobod-Uchtom yo'lida o'tkazilgan shaxsiy poygada Danil Evdokimov birinchi o'rinni egalladi. Sportchimiz 20 km masofaga kechgan bahsda 25:50 vaqtda marra chizig'ini bosib o'tishga muvaffaq bo'ldi. SHuningdek, Konstantin Elli 26:33 natija bilan ikkinchi, Nikita Stenkovoy 26:54 natija qayd etib uchinchi o'rinni qo'lga kiritdi.

Jismoniy tarbiya va sport vazirligi, Sportning qishki va murakkab texnik turlari bo'yicha respublika oliy sport mahorati maktabi hamda Sirdaryo viloyati jismoniy tarbiya va sport boshqarmasi bilan hamkorlikda O'zbekiston velosiped sporti federaciyasi tomonidan o'tkazilayotgan mazkur xotira turniri 13 martga qadar davom etadi.