Gustafsson qaytmoqda, u Verdumga qarshi oktagonga chiqadi

Katta ehtimol bilan u 25 iyul kuni o'tkaziladigan UFC oqshomida oktagonga ko'tariladi. SHu bilan birga u vaznini o'zgartiradi va og'ir vazn toifasida jang o'tkazadi. Uning raqibi juda katta ehtimol bilan sobiq UFC chempioni Fabrisio Verdum bo'ladi. 

Verdum varianti o'xshamagan taqdirda yarim og'ir vaznda UFC chempionlik kamariga sobiq davogar Ovins Sen-Pre shveciyalik jangchiga raqiblik qiladi. Har ikki sportchi ham so'nggi jangida mag'lubiyat alamini totib ko'rgan. Verdum yaqinda Aleksey Oleynikka, Ovins esa Ben Rotvellga yutqazib qo'ygandi.

Gustafssonga kelsak, u so'nggi bor o'tgan yilning iyun oyida oktagonda ko'rinish bergan. O'shanda Gustafsson Stokgolm shahrida Entoni Smitga yutqazgan va jang yakunlanganidan so'ng sportdan ketishini elon qilgan edi.