Hakamlar xatolari Olimpiadasi

Bu Olimpiadada hakamlar juda ko'p xatolarga yo'l qo'yishgan.

To'siqlar osha 3000 metrga yugurishda sportchilar stadionda chopib o'tayotgan doirani sanab turgan hakam o'z joyini tark etgani sababli ular bir davra ko'p masofani bosib o'tishga majbur bo'lishgan. Bu yugurish natijalari bekor qilinmagan. 3450 metr masofani 10 daqiqayu 33,4 soniyada bosib o'tgan fin Volmari Iso-Xollo g'olib deb elon qilingan.

Ayollar o'rtasida 100 metrga yugurishda polshalik Stanislava Valasevich yangi jahon rekordi o'rnatgani holda g'olib chiqqan. Faqat 1980 yilda bu Olimpiada chempioni avtohalokatda hayotdan ko'z yumganida… uning erkak ekanligi malum bo'lgan.

Ot sporti bo'yicha musobaqalarda ham favqulodda holat yuzaga kelgan – hech bir jamoa yo'l qo'yilgan xatolar, masofadan noto'g'ri o'tish, yiqilish va hokazolar sababli Millatlar Katta mukofotiga sazovor bo'lmagan.

Zamonaviy beshkurashda avvalgi Olimpiya o'yinlari chempioni, vazni 100 kilogramdan ortiq bo'lgan shved Sven Tofeltga eng ozg'in otni boshqarishga to'g'ri kelgan. Bechora ot uch marta qoqilib yiqilgan va bu yo'nalishda Tofelt faqat 15-natijani qayd etgan. Ammo yakuniy natija bo'yicha u to'rtinchi o'ringa ko'tarila olgan.

Portugaliyalik beshkurashchi de Gerediy esa yanada murakkab vaziyatga ro'para bo'lgan. Uning oti itoatkor, biroq juda hissiyotli va nozik tabiatli ekan. CHavandoz qamchi va temir tepkini ishlatishi bilan ot sportchini yiqitib qochib qolgan. Otni arang ushlab, sportchiga tutqazganlaridan keyin de Gerediy yana qamchi bosgach, ot chavndozni tag'in qulatgan va uni medallardan mahrum qilgan.