07 iyu 08:17
Yangiliklar

Tennis

Hamyurtimiz "Rolan Garros" turnirida chorak finalga chiqdi

Parij kortlarida "Katta Dubulg'a" turkumiga kiruvchi "Rolan Garros" turniri davom etmoqda.

Musobaqaning yoshlar o'rtasidagi bahslarida ishtirok etayotgan yagona hamyurtimiz Sergey Fomin juftlik turnirida chorak finalga chiqdi. Fomin yakkalik bahslarining birinchi davrasida yaponiyalik Sintaro Mochizukiga 4:6, 6:2, 5:7 hisobida yutqazib qo'ygandi.

Belgiyalik Onklin Gote bilan sakkizinchi raqamli juftlikni hosil qilgan Fomin 52 daqiqa davom etgan 1/8 finalda braziliyalik Matteus Alvesh hamda amerikalik Uillyam Grant hamkorligini 6:3, 6:3 hisobida taslim etdi.

Bugun Sergey va Onklin yarim final chiptasi uchun argentinalik Xuan Bautista Torres hamda ispaniyalik Pablo Liamas Ruizga qarshi kortga chiqishadi. Uchrashuvning Toshkent vaqti bilan soat 15:30da boshlanishi belgilab qo'yilgan.