"Humo" jamoasi xokkeychilari Pro-Ligada yanvar oyining eng yaxshilari deb topildi

"Humo" jamoasi darvozaboni Damir SHaymardanov va hujumchisi Artyom Valeev Qozog'iston Pro-Ligasida yanvar oyining eng yaxshi darvozaboni va hujumchisi deb topildi.

2002 yilda tavallud topgan Damir SHaymardanov "Humo" safida 6 ta o'yinda muzga chiqqan va bu o'yinlarda o'z darvozasidan 2 ta shayba olib chiqqan. Uning darvoza dahlsizligi 97,9 %ni tashkil etmoqda.

Eng yaxshi hujumchi deb topilgan Artyom Valeev esa "qanotlilar" safida bu mavsumda 33 ta o'yinda muzga chiqib, 17 ta shayba kiritdi va 15 marta assist amalga oshirdi.